БИШКЕК, 22-июл. — Sputnik. Ишембиде өлкө аймагында жаан-чачын күтүлбөйт, айрым жердерде күндүн ысыгы 41 градуска чыгат. Бул тууралуу Кыргызгидромет маалымдады.
Маалыматка ылайык, түштүк-батыштан соккон шамалдын ылдамдыгы секундасына 3-8 метрге жетет.
Абанын температурасы Чүй өрөөнүндө +34...+39, Ош, Жалал-Абад, Баткен облустарында +36...+41, Талас жергесинде +32...+37, Ысык-Көлдө +28...+33 жана Нарында +31...+36 градус болору айтылды.
Термометрдин көрсөткүчү Бишкекте +37...+39, Ошто +39...+41 жана Чолпон-Ата шаарында +28...+30 градуска жетет.