БИШКЕК, 16-июл. — Sputnik. Келерки аптада Ош облусунун аймактарында күн катуу ысып, абанын температурасы 41 градуска чейин жетиши ыктымал. Бул тууралуу Кыргызгидромет агенттиги маалымдады.
Билдирмеге караганда, 17-июлдан 23-июлга чейин Ош облусунун бир да жеринде жаан-чачын күтүлбөйт. Түштүк-батыштан соккон шамалдын ылдамдыгы секундасына 3-8 метрге жетиши ыктымал. Абанын температурасы түнкүсүн 20...25 градус ысыса, күндүз 35...41 градуска чейин жетет.