БИШКЕК, 16-июл. — Sputnik. Жит-житсучу, Жогорку Кеңештин депутаттагына талапкер болгон Абдурахман Муртазалиев АКШда өтүп жаткан Дүйнөлүк оюндардан күмүш медаль алды. Бул тууралуу спортчу Sputnik маалымат агенттигине кабарлады.
Жит-житсучу, Жогорку Кеңештин депутаттагына талапкер болгон Абдурахман Муртазалиев АКШда өтүп жаткан Дүйнөлүк оюндардан күмүш медаль алды
© Фото / предоставлено Абдурахманхаджи Муртазалиевым
Оюндар Бирмингем (Алабама штаты) шаарында өтүп жатат.
Муртазалиевдин айтымында, финалдык кармаш 0:0 эсеби менен аяктаган. Бирок калыстар жеңишти атаандашына — Сауд Арабиядан келген Аль-Кетби Фейсалга беришкен.
Дүйнөлүк оюндар төрт жылда бир өткөрүлөт жана ага Олимпиада оюндарынын программасына киргизилбеген спорттун түрлөрү кошулган.
Белгилей кетсек, 27-февралда өткөн Жогорку Кеңештин депутаттыгына шайлоодо Свердлов округунан Абдурахманхажи Муртазалиев 5 806 добуш алып (19.52%) утуп чыккан. Бирок кийин Борбордук шайлоо комиссиясы добушун жараксыз деп тапкан.