БИШКЕК, 10-июл. — Sputnik. Жашоонун наркы боюнча шаарлардын 2022-жылдын алты айынын жыйынтыгындагы рейтингинде Бишкек 510 калаанын ичинен 477-орунга жайгашты. Бул тууралуу Numbeo сервисинин сайтында жазылды.
Кыргызстандын башка шаарлары тизмеде жок.
Биринчи орунда Бермуд аралдарынын борбору — Гамильтон, андан кийин Швейцариянын беш шаары: Базель, Цюрих, Цуг, Лозанна, Берн жана Женева турат. Ошондой эле дүйнөдөгү эң кымбат шаарлардын ондугуна Гонолулу, Санта-Барбара жана Нью-Йорк кирген (үчөө тең АКШда).
Эгерде айрым постсоветтик өлкөлөрдүн борборлору тууралуу айта турган болсок, Москва — 287, Ташкент — 465, Нур-Султан 475-орунда турат.