БИШКЕК, 8-июл. — Sputnik. Ысык-Көлдө "Ак-Мөөр Fest" этнофестивалы өтөт. Бул тууралуу Маданият, маалымат, спорт жана жаштар саясаты министрлиги кабарлады.
Иш-чара 22-24-июль күндөрү Ысык-Көл облусунун Өрнөк айылындагы "Эдельвейс" эс алуу борборунда болот.
"Республикалык деңгээлдеги этнофестивалда кыргыз айымдарынын бүгүнкү, эртеңки жана кечээги жашоо образдары чагылдырылат", — деп жазылган маалыматта.
Фестивалды министрликтин колдоосу менен "Кыргыз биримдиги" коомдук бирикмеси өткөрөт.