БИШКЕК, 7-июл. — Sputnik. Мамлекет башчы Садыр Жапаров кол койгон жарлыкка ылайык, Жалал-Абад облусунун Тогуз-Торо райондук сотунун судьясы Бообек Турсункулов кызматынан убактылуу четтетилди. Бул тууралуу президенттин маалымат кызматы кабарлады.
19-апрелде УКМК Турсункулов айдоо жерлерин бөлүштүрүү боюнча иштин оң жагына чечилиши үчүн 25 миң сом талап кылганын маалымдаган. Башкы прокуратура аталган фактыны Кылмыш-жаза кодексинин 343-беренеси ("Акча талап кылуу") боюнча каттаган.
22-апрелде Жогорку Соттун чечими менен Турсункулов Тогуз-Торо райондук сотуна иштөөгө жөнөтүлгөн.
Судьялар кеңеши башкы прокурорго Турсункуловду кылмыш жоопкерчилигине тартууга макулдук берген.