БИШКЕК, 3-июл. — Sputnik. Дүйшөмбүдө күндүз өлкөнүн тоолуу райондорунда өткүн өтүп, күн күркүрөйт. Дыйканчылык аймактарда жана Талас, Баткен облустарында жаан-чачын болбойт. Бул тууралуу Кыргызгидромет маалымдады.
Абанын температурасы Чүйдө +33...+38, Таласта +30...+35, Ош, Жалал-Абад, Баткен облустарында +34...+39, Ысык-Көл менен Нарын аймагында +28...+33 градус болору айтылды.
Термометрдин көрсөткүчү Бишкекте +36...+38, Ош калаасында +37...+39, ал эми Чолпон Атада +28...+30 градуска жетет.