Луганск Элдик Республикасын украиналык тараптын аткылоосунун кесепетинен Рубежное шаарындагы элеватордон өрт чыкты. Бул туурасында РИА Новости жазды.
Дан сактоочу бул жай "Голден Агро" ишканасына тиешелүү экени жана эки жыл мурда ачылганы белгилүү болду. Сыйымдуулугу 30 тонна.
Учурда элеваторду түшкөн снаряддар талкалап кеткен. Алардын украиналык тарап көзөмөлдөп турган Лисичанск шаары жактан атылганы маалым болду. Жергиликтүү элдин айтымына караганда, жакынкы күндөрү ал жактан "кабар" келип турган. Кампадагы эгин чачырап кеткени, анын үстүнөн түтүн чыгып жатканы жана бир бөлүгү карарып калганы айтылды.
Кадрга комплекстин айланасындагы талкаланган, чачыраган темирдин сыныктары да түшүп калган.
Ал жерге жакынкы аймактан эгин алып кетүүгө келген жергиликтүү элди көрүүгө болот. Рубежное шаарында бир канча дүкөндөр ачылган. Украиналык карточкалар иштебей калгандыктан, элдин колунда учурда акча жок.
"Бул жерден эгин алып кетсек болорун билем. Андан нан бышырууга аракет кылып көрөм же тоокторго жемге жарайттыр", — деген элеваторго мүшөк алып велосипед менен келген аял.
Анын кээ бир кошуналары чиркегичи бар машина менен катташкан.
Россия Украинадагы атайын операциясын 2022-жылдын 24-февралында баштаган. Президент Владимир Путин ал "Киев режими тарабынан сегиз жыл бою кордолуп-мазакталып, геноцидге кабылгандарды коргоо" максатын көздөйт деген.
РФтин Коргоо министрлиги билдирүү жасап, Куралдуу күчтөр соккуну аскердик инфраструктура жана аскердик күчтөргө уруп жаткандыгын башкы максат — Донбассты бошотуу экендигин айтышкан.
Тема боюнча: