БИШКЕК, 18-июн. — Sputnik. Жума күнү Улуттук банк валюта рыногунан 51 миллион 440 миң доллар сатып алды. Бул тууралуу аталган финансы регулятордун сайтында маалымдалган.
Бул сапар сатып алууну быйылкы жылдагы рекорддук сумма деп эсептесе болот.
Башкы банк улуттук валютанын рынокто кескин өзгөрүп кетишин ооздуктап жана суроо-талап менен сунушту теңдештирип туруш үчүн аны сатып, кайра сатып алып турат. Акыркы учурларда Кыргызстанда Америка акчасынын курсу төмөндөп жатат. Учурда банктардын көбү долларды 81,5 сомдон сатып жатат, негизи анын баасы 80 сомдон да ылдый түшүп кеткен.