БИШКЕК, 17-июн. — Sputnik. Ишембиде күтүлүп жаткан нөшөрлүү жаан-чачынга байланыштуу өлкөнүн тоолуу райондорунда жана тоо этектеринде сел жүрүшү мүмкүн, дарыяларда суунун деңгээли көтөрүлөт. Бул тууралуу Кыргызгидромет билдирди.
Абанын температурасы Талас өрөөнүндө +28…+33, Чүй, Ош, Жалал-Абад, Баткен аймактарында +29…+34, Ысык-Көлдө +22…+27, Нарын облусунда +21…+26 градусту көрсөтөт.
Күндүн табы Бишкек жана Ош шаарларында +32…+34, Чолпон-Атада +23…+25 градус болот.