БИШКЕК, 15-июн. — Sputnik. Красноярск — Бишкек — Красноярск багыты боюнча жаңы туруктуу авиакаттам ачылды. Бул тууралуу "Манас" эл аралык аэропортунун маалымат кызматы кабарлады.
Ага ылайык, аталган багыт боюнча авиакаттамдарды "Россия" авиакомпаниясы аткарат.
"15-июнда Бишкекке биринчи каттам менен 85 жүргүнчү учуп келди. Красноярск шаарына 78 адам учуп кетти", — деп жазылат маалыматта.
Каттам жумасына үч жолу, дүйшөмбү, шаршемби жана жекшемби күндөрү аткарылары, учуу убактысы 3 саат 30 мүнөт экени кошумчаланды.