БИШКЕК, 7-июн. — Sputnik. Арзышкандар өчүп бара жаткан сезимдерин кайрадан кантип жандантып, мурдагы калыбына кандай жол менен келтирсе болорун психолог Брайан Коллисон айтып берген. Анын кеңештерин Psychology Today илимий журналы жарыялады.
Адистин айтымына караганда, сүйүшкөндөр жаңыдан жолуга баштаган кезинде өтө ысык болуп, бирок мезгилдин агымына таштап койсо акырындык менен ал сезим өчө баштайт.
"Түгөйлөр толкунданып, бири-бирине тартылып, башкача бир жылуу сезимдер менен жашаган учурларын сактап калууга аракеттенбесе акырындык менен жогото башташат. Тагыраагы, ал улам басырылып, өчө баштайт", — деген Коллисон.
Бирок эксперт эки адам үчүн баасы кымбат болгон мезгилдерди сактап калууга, кайтарып алууга болорун айткан. Ал үчүн экинчи түгөй күтпөгөн жагымдуу нерселерди жасап, кээде жакшы маанайдагы апкаарыткан кадамдарга барышы керек.
Психолог Шерил Харасимчук менен Эмили Импеттин изилдөөлөрүн мисалга алган. Бул окумуштуулар эки жыл бирге болгон түгөйлөргө сурамжылоо жүргүзгөн. Эмне тажатма болуп бара жатканын сурап, анкета толтурткан. Алардын ичинен биргелешип жаңы бир иштерди жасап, кызыктуу жолугушууларды өткөргөндөр убактысы көндүм адат менен коштолбостугун айтышкан.
"Изилдөөчүлөр көңүлсүз учурлар көп болгондуктан түйгөлөр бири-бирине анча көп тартылбайт да, болжол менен үч айдан кийин мамилеси көнүмүш нерсеге айлана баштаарын аныктап чыгышкан", — деген Коллисон.
Адис андыктан арзышкандардын жашоонун улам жаңы кырларын ачып, өздөрү кызыккан иштерди ийиндеше жасап, бири-бирине күтүүсүздөн жагымдуу сюприздерди жасап турса ошончолук кызыктуу, ысык мамиледе болорун дагы бир ирет эске салган.