БИШКЕК, 31-май — Sputnik. Кыргызстандын министрлер кабинети кумшекерди жана чийки камыш кантын өлкөдөн алып чыгууга алты айлык мөөнөткө тыюу салды. Бул тууралуу өкмөт билдирди.
Тиешелүү чечим министрлер кабинетинин кезектеги жыйынында кабыл алынган.
Токтом өлкөнүн азык-түлүк коопсуздугун камсыз кылуу жана кант рыногунда бааны кармап туруу максатында иштелип чыккан.