"Бишкек шаарындагы төрт райондогу 47 конуштан күндө тонналаган таштанды чыгат. Дүйнөнүн башка мамлекеттеринен айырмаланып бизде таштандыны кайра иштетүүчү ишкана болбогондуктан калдыктардын чиригени чирип, чирибегени жылдап, кылымдап жатып, ал абага уулуу заттарды бөлүп чыгарууда. Өлкөдө айрым таштандыны иштеткен өтө чакан жайлар гана бар. Бул аталган маселени чече албайт. Учурда шаардыктар жана борбор калаанын коноктору күн сайын жаратылыш койнуна эс алганы чыгууда. Кыргызстандын жарандарынын экологиялык маданияты орточо деп баалайм. Тилекке каршы, шаардын четиндеги жерлерди акыр-чикирлер басып бараткандыктан, анын алдын алышыбыз керек. Эгер талаага эс алууга бара жатсаңыз экологиянын коопсуздугу үчүн даярдык көрүп алган оң. Сиз тоого алып барган нерсени кайра алып кете аласыз. Эң биринчиден, мүшөк же чоң пакет ала барып калдыктарды өзүңүз менен ала кетиңиз. Отту жаратылышка зыян келбегидей кылып жагыңыз. Ошондой эле аккан сууга ар нерсени төгүп же идиш-аяк жууган туура эмес. Самын же идиш жуучу каражаттарды суудан берирээк жерде колдонуу зарыл. Айтор, барган жериңизге экинчи келбечүдөй мамиле кылбаңыз", — деди Ырсалиева.