БИШКЕК, 17-май — Sputnik. УКМКнын төрагасы Камчыбек Ташиев Өзбекстандын мамлекеттик коопсуздук кызматынын төрагасы Абдусалом Азизов экөө Ала-Бука районундагы тактала элек Гавасай участкасын тик учак менен кыдырды. Бул тууралуу аталган ведомствонун маалымат кызматынан кабарлады.
"Тараптар тийиштүү маселелер боюнча өз ара пикир алмашты. Жолугушуу достук маанайда өттү жана тиешелүү чечимдер кабыл алынды", — деп айтылган маалыматта.
Жакында эле Ала-Бука районундагы кыргыз-өзбек чек арасында чатак чыккан. Актам айыл аймагынын Дөбө-Коргон жерлигинде Өзбекстандын чек арачылары кыргыз жарандарына курал колдонуп, үч кыргызстандык каза болгон.