БИШКЕК, 15-май — Sputnik. Президент Садыр Жапаров ЖККУга мүчө-мамлекеттердин лидерлеринин жолугушуусуна катышуу үчүн Москвага учуп кетти.
Мамлекет башчысынын маалымат кызматынан аны менен кимдер кеткендигин кошо билдирди.
Кыргызстандын расмий делегациясынын курамында:
Тышкы иштер министри Жээнбек Кулубаев;
Президенттин өзгөчө тапшырмалар боюнча атайын өкүлү Таалатбек Масадыков;
Кыргызстандын Россиядагы элчиси Гүлнара-Клара Самат бар.
Мурдараак Жапаров саммитке төрагалык кылуучу тарап Армениянын чакыруусу менен 16-майда Москва шаарына барары кабарланган.
Эске салсак, эртең, 16-майда, Жамааттык коопсуздук келишиминин 30 жылдыгына жана уюмдун түптөлгөндүгүнүн 20 жылдыгына карата уюмга мүчө болгон мамлекеттердин башчылары саммитке чогулат. Анда ЖККУнун алкагында маанилүү маселелер — эл аралык жана аймактык актуалдуу көйгөйлөр, жамааттык коопсуздук системасын жакшыртуу талкууланмакчы.