БИШКЕК, 11-май — Sputnik. Өкмөт демилгелеген мыйзам долбоорунда казино, онлайн-казино, автоматтык оюндар, букмекердик контора сыяктуу кумар оюндарынын түрлөрүнө уруксат берүү каралууда.
Парламентте баяндама жасаган Финансы рыногун жөнгө салуу жана көзөмөлдөө мамлекеттик кызматынын жетекчиси Улан Сарбановдун айтымында, бул иштерге салыктык ставкалар атайын режим менен коюлат.
Алар төмөндөгүдөй:
Казино жана онлайн-казинодогу бир оюн столу үчүн:
2022-жылы — 750 миң сом;
2023-жылы — 1 миллион;
2024-жылдан тартып — 1,25 миллион.
Оюн автоматтары жана компьютердик симулятор залындагы бир оюн автоматы үчүн:
2022-жылы — 50 миң сом;
2023-жылы — 75 миң;
2024-жылдан тартып — 100 миң.
Букмекердик конторанын жана тотализатордун ставкаларын кабыл алуунун 1 пункту (кассасы) үчүн:
2022-жылы — 200 миң сом;
2023-жылы — 350 миң;
2024-жылдан тартып — 500 миң.
Ал эми мындай ишкердикти жүргүзүү үчүн лицензия 10 жылдык мөөнөткө берилет. Анын акысы министрлер кабинети тарабынан аныкталат.
Ал эми эреже бузгандарга төмөнкүдөй айып салынат:
Кыргыз жарандарынын киришине бөгөт коюу сыяктуу талаптарды аткарбоо — 100 миң сом;
Кумар оюн-зоок иштери боюнча мыйзам талаптарын бузуп же аткарбаган юридикалык жактар — 200 миң сом;
Көзмөлдөөчү органдарга жалган маалымат берүү же документтерди берүүдөн баш тартуу —100 миң сом;
Оюн-зоок бизнесин жарнамалоо эрежесин бузуу — 45 миң сом.