БИШКЕК, 9-май — Sputnik. Президент Садыр Жапаров Улуу Ата Мекендик согуштун ардагери Аспек Жумашевдин үйүнө барып, Жеңиштин 77 жылдыгы менен куттуктады. Бул туурасында мамлекет башчынын маалымат кызматынан кабарлады.
"Жапаров ардагерди куттуктап, ага узун өмүр, чың ден соолук каалады. Президент согуштун катышуучулары кармаш талаасында эбегейсиз эрдикти жана баатырдыкты көрсөткөнүн, мунун аркасында алардын урпактары тынчтыкта, бейпилдикте жашап жатканын белгиледи", — деп айтылган маалыматта.
Бүгүн дүйнөнүн башка мамлекеттери сыяктуу эле Кыргызстан да Улуу Жеңиштин 77 жылдыгын белгилеп жатат.