БИШКЕК, 9-май — Sputnik. Баткендин Кадамжай районунун Халмион айыл өкмөтүндө ат майдан курулат. Бул тууралуу президенттин облустагы ыйгарым укуктуу өкүлүнүн маалымат кызматы кабарлады.
Облус башчысы Абдикарим Алимбаев спорттук жайдын курулушуна капсула салган. Ага Жогору Кеңештин депутаттары, Дене тарбия жана спорт департаментинин өкүлдөрү, ошондой эле ат майдандын курулушуна колдоо көрсөткөн тараптар катышкан.
Алимбаев буга чейин облуста улуттук оюндарды өткөрүү үчүн талапка жооп берген ипподром жок болгонун, спорт тармагына колдоо көрсөтүлүп жатканын белгилеген.