БИШКЕК, 8-май — Sputnik. Ош шаарында 9-майда Улуу Жеңиштин 77 жылдыгын белгилөөнүн алкагында "Өлбөс полк" акциясы өтөт. Бул тууралуу муниципалитеттин маалымат кызматы кабарлады.
"Сиздерди бул акцияга катышууга чакырабыз! Фронттук жоокерлердин балдары жана неберелери аталары менен чоң аталарынын, Улуу Ата Мекендик согуштун катышуучуларынын сүрөттөрү менен өтүшөт", — деп жазылган маалыматта.
Катышуучулар саат 08:30да Ош улуттук драма театрынын жанына чогулушу керек.