БИШКЕК, 8-май — Sputnik. Борбор калаада №8 троллейбус эки күндөй жүрбөйт. Бул тууралуу мэриянын маалымат кызматынан кабарлады.
Билдирүүгө ылайык, аталган каттам бүгүн 8-майда саат 15.00дөн баштап, 9-май күнү саат 18.00гө чейин майрамга карата убактылуу жүрбөйт.
Ошондой эле №2 троллейбустун каттамы кичине өзгөртүлөт. Ал мурдагыдай Ауэзов — Жибек жолу көчөсү — Чүй проспектиси менен жүрбөй, Ауэзов көчөсү — Чүй проспектиси менен жүрөт.
Муниципалитет келтирилген ыңгайсыздыктан улам шаар тургундарынан жана меймандарынан кечирим сурап, өз маршрутун алдын ала пландап алууга чакырат.