БИШКЕК, 4-май — Sputnik. КРдин Коргоо министрлиги Жеңиштин 77 жылдыгына карата кандай иш-чараларды өткөрөрү туурасында министрликтин маалымат кызматы кабарлайт.
4-майдан 9-майга чейин — Улуу Ата Мекендик согуштагы Жеңишке арналып орнотулган Кыргызстандагы эстеликтерге гүлчамбарларды коюу;
5-майда — “Жеңиш ырлары” урааны астында “Согуштун, куралдуу күчтөрдүн, укук коргоо органдарынын жана тыл эмгекчилеринин республикалык кеңеши” коомдук бирикмесинин өкүлдөрүнүн автожүрүшү;
6-майда — Коргоо министрлигинин аскердик башкармалыктарынын жетекчилери тарабынан Улуу Ата Мекендик согуштун ардагерлерин куттуктоо уюштурулуп, Бишкек гарнизонунун аскерлери 9-майда “Жеңиш” аянтында машыгуу өткөрүшөт;
8-майда — Экинчи дүйнөлүк согуштан калган курал-жарактардын жана аскердик техниканын үлгүлөрүн “Жеңиш” аянтына алып чыгуу жана “жоокер боткосун” даярдоо үчүн талаа ашканаларын уюштуруу;
9-майда — Эртең менен Бишкек гарнизонунун аскерлери согуш жылдарындагы ырларды ырдап, Чүй проспекти менен Тоголок Молдо көчөсүнөн Ибраимов көчөсүнө чейин жөө жүрүш жасап, андан соң “Жеңиш” аянтына барышат. Анда жоокерлердин мемориалдык комплексине гүлчамбарлар коюлуп, митинг-реквием өтөт. Иш-чара аскерлердин салтанаттуу жүрүшү менен аяктайт.