БИШКЕК, 2-май — Sputnik. Нарын шаарында айт намазы окулду. Бул тууралуу аймактык кабарчы билдирди.
Калаадагы Турдакун Усубалиев атындагы борбордук аянтка беш миңден ашык киши чогулган. Казыяттын өкүлү Кумарбек Орозалиев баянын айтып, орозо кармоо, битир садага жана зекет боюнча маалыматтар менен бөлүшкөн.
Андан соң президенттин Нарындагы ыйгарым укуктуу өкүлү Сабыркул Ашимбаев, облустун казысы Эрик Молдокулов, калаа мэри Канболот Тутуев жана шаардык кеңештин төрагасы Автандил Молдосалиев элди Орозо айт майрамы менен куттуктаган.