БИШКЕК, 1-май — Sputnik. Дүйшөмбүдө күндүз кээ бир райондордо жаан жаап, күн күркүрөшү, бийик тоолуу аймактарда кар жаашы күтүлөт. Бул тууралуу Кыргызгидромет билдирди.
Абанын температурасы Чүй облусунда +26…+31, Таласта +25…+30, Ош, Жалал-Абад, Баткен аймактарында +28…+33, Ысык-Көлдө +19…+24, Нарын өрөөнүндө +18…+23 градуска жогорулайт.
Бишкек жана Ош шаарларында күн ачык болот. Күндүн табы борбордо +29…+31, Ош калаасында +30…+32 градусту көрсөтөт.