БИШКЕК, 26-апр. — Sputnik. Садыр Жапаров Эммануэль Макронду Франциянын президенти кызматына кайрадан шайланышы менен куттуктады. Бул тууралуу өлкө башчынын маалымат кызматы билдирди.
"Бул жооптуу кызматка кайрадан шайланышыңыз француз элинин сизге болгон жогорку ишенимин ырастайт. Мен өз тарабымдан Кыргызстан менен Франциянын ортосундагы конструктивдүү диалог жана өз ара пайдалуу кызматташтык улантылат деп эсептейм", — деп айтылат куттуктоо телеграммасында.
Макрон шайлоонун экинчи турунда көпчүлүк добушка ээ болуп, Марин Ле Пенди артта калтырды.
Франциянын Конституциялык сотунун төрагасы 27-апрель күнү мамлекет башчы беш жылдык мөөнөткө шайланганын расмий жарыялайт.