БИШКЕК, 24-апр. — Sputnik. Бүгүн Чүй облусундагы айланма жолдо жазгы веложарыш өткөнүн Nomad Sport коомдук бирикмеси билдирди.
"Аба ырайынын жаан-чачындуу болгонуна карабай 200дөн ашык катышуучу 25 чакырым аралыкты басып өтүп, көксөгөн финиш медалдарына ээ болушту. Алар ар кандай категориялар боюнча ат салышты", — деп айтылат маалыматта.
Веложарыштын жыйынтыгын, ошондой эле алдыда боло турган спорттук иш-чаралардын жарыяларын уюштуруучулардын www.nomadsport.net сайтынан көрсө болот.
Nomad Sport — Jaz Demi Spring Run, Spring Bike Trial, Toyboss Night Run, Issyk Kul Swim Challenge жана Эл аралык Snow Leopard Run сыяктуу спорттук иш-чаралардын уюштуруучусу.