БИШКЕК, 20-апр. — Sputnik. Бүгүн, 20-апрелде, Баку шаарындагы "Загулба" президенттик сарайында Садыр Жапаров менен Азербайжандын башчысы Ильхам Алиевдин расмий жолугушуу аземи болду. Бул тууралуу президенттин маалымат кызматы кабарлады.
Билдирмеге караганда, резиденциянын алдындагы аянтка Кыргызстандын жана Азербайжандын мамлекеттик желектери илинген. Саламдашкан соң мамлекет башчылары ардак кароолдун ротасынын алдынан өтүштү.
"Кыргызстан менен Азербайжандын гимндери жаңыргандан кийин Садыр Жапаров менен Ильхам Алиев расмий делегация мүчөлөрүн тааныштырышты. Андан соң ардак кароолдун ротасынын салтанаттуу маршы болду. Расмий жолугушуу аземи аяктагандан кийин президенттер тар чөйрөдөгү сүйлөшүүлөргө багыт алышты", — деп айтылат маалыматта.
Белгилей кетсек, мамлекет башчы Садыр Жапаров учурда расмий сапары менен Азербайжанда жүрөт.