БИШКЕК, 16-апр. — Sputnik. Жалал-Абад шаарында май куюучу жайдын алдындагы бензин сакталган цистернага түшүп кеткен 59 жана 45 жаштагы эки киши куткарылды. Бул тууралуу ӨКМдин маалымат кызматы кабарлады.
Жалал-Абад шаарында май куюучу жайдын алдындагы бензин сакталган цистернага түшүп кеткен 59 жана 45 жаштагы эки киши куткарылды
© пресс-служба МЧС КР
Окуя кечээ кечки саат сегизде болгон. Жабыркагандар күйүүчү май сакталган кампаны текшерейин деп жатып түшүп кеткени айтылды.
Куткаруучулар аларды цистернадан газдан коргогон бет кап жана кычкылтек баллондун жардамы менен чыгарып, Тез жардам кызматына өткөрүп берген.
Учурда эки кишинин тең абалы туруктуу.