БИШКЕК, 14-апр. — Sputnik. Россиянын Красноярск шаарынан Бишкекке жаңы аба каттамы ачылат. Бул тууралуу "Манас" эл аралык аэропортунун маалымат кызматынан билдиришти.
"Уральские авиалинии" авиакомпаниясы 20-апрелден баштап Красноярск — Бишкек — Красноярск багыты боюнча жаңы үзгүлтүксүз каттам ачууну пландап жатат. Ал жумасына бир жолу, жекшемби күндөрү аткарылат", — деп айтылат билдирүүдө.
Ушул эле авиакомпания 10-апрелден баштап Иркутск — Бишкек — Екатеринбург багыты боюнча жүргүнчү ташый баштаган. Ал каттам бейшемби күндөрү аткарылат.