БИШКЕК, 11-апр. — Sputnik. Шейшемби, 12-апрелде, күндүз кээ бир райондордо өткүн өтүп күн күркүрөшү, бийик тоолуу райондордо кар жаашы күтүлөт. Түштүк-батыштан соккон шамалдын ылдамдыгы секундасына 4-9 метрден күндүз айрым жерлерде 15-20 метрге жетет. Бул тууралуу Кыргызгидромет билдирди.
Абанын температурасы Чүй, Талас облустарында +21...+26, Ош, Жалал-Абад жана Баткен аймактарында +23...+28, Ысык-Көл жана Нарын жергесинде +18...+23 градус жылуу болот. Борбор калаада күндүн табы +21...+23, Ош шаарында +23...+25 градуска чейин көтөрүлөт.