БИШКЕК, 8-апр. — Sputnik. Ишемби күнү күндүз өлкөнүн көпчүлүк аймактарында мезгил-мезгили менен жамгыр, тоолуу райондордо кар жаайт. Бул тууралуу Кыргызгидромет маалымдады.
Абанын температурасы Чүйдө +20…+25, Талас жергесинде +19...+24, Ош, Жалал-Абад, Баткен облустарында +24…+29, Ысык-Көл менен Нарын аймагында +17...+22 градус болот.
Бул күнү Бишкекте маал-маалы менен жамгыр жаайт, ал эми Ошто күн ачык болот. Термометрдин көрсөткүчү борбор калаада +23...+25, Ош шаарында +27…+29 градуска жетет.