БИШКЕК, 29-мар. — Sputnik. 30-мартта түнкүсүн жана эртең менен Кыргызстандын айрым аймактарында абанын температурасы кескин төмөндөп, үшүк жүрүшү күтүлүүдө. Бул тууралуу Кыргызгидрометтен кабарлашты.
Билдирмеге караганда, 30-мартта түнкүсүн жана эртең менен Чүй облусунун дыйканчылык аймактарында, Ош, Жалал-Абад, Баткен облустарынын тоо этектеринде абанын температурасы -1…-3 градус, Талас облусунун дыйканчылык аймактарында -2…-4 градуска чейин муздап, үшүк жүрүшү күтүлөт.
Мындай аба ырайы бүчүр байлаган жана гүл ачкан мөмөлүү дарактарга коркунуч алып келет.
Жаңылыктарды кыска жана ыкчам окугуңуз келсе Telegram каналыбызга катталыңыз.