БИШКЕК, 29-мар. — Sputnik. Гидрометборбордун маалыматы боюнча, күндүн экинчи жарымында катуу шамал болуп, түндүк-батыштан соккон ылдамдыгы секундасына 15-20 метрге жетери айтылды. Бул тууралуу Бишкек мэриясы кабарлады.
Муниципалитет элди этият болууга чакырып, кырсыктан оолак болуу үчүн автоунааларды бак-дарактардын жана жеңил конструкциядагы курулуштардын алдына койбоо керектигин эскертүүдө.
Зарылдык жаралган учурда 112 куткаруу кызматына, мэриянын 1840 жана 1850 Call-борборлоруна, ошондой эле сүрөт жана видеофактыларды 0554 -182-185 номерине жөнөтүүгө болору айтылды.