БИШКЕК, 27-мар. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Бишкек шаарында дүйшөмбүдө күн ачык болот, бирок шейшембиде мезгил-мезгили менен жамгыр жаайт. 30-мартта түнкүсүн жамгыр, кар жаашы күтүлөт. Андан кийин ишембиге чейин күн ачык турат.
Чүй жана Талас облустары
28-мартта күн ачык болсо, 29-мартта көпчүлүк аймактарда күндүн көзү бузулат. Тоо этектеринде жана тоолуу аймактарда кар, кээ бир райондордо жаан-чачын катуу жаайт.
30-марттан 1-апрелге чейин жаан-чачын болбойт. 2-апрелде кайра күндүн көзү бузулуп, тоолорго кар түшөт.
Ош жана Жалал-Абад облустары
28-мартта тоолуу райондордо кар жаап, дыйканчылык аймактарда күн ачык болот.
29-мартта көпчүлүк аймактарда кар аралаш жамгыр жаайт. Эртеси аба ырайы жакшырып, 2-апрелге чейин ачык болот.
Баткен облусу
28-мартта аба ырайы бузулбайт. Бирок 29-мартта көпчүлүк райондордо жамгыр жаап, тоолорго кар түшөт.
30-марттан 1-апрелге чейин жаан-чачын күтүлбөйт. 2-апрелде күндүз кээ бир райондордо жамгыр жаайт.
Ысык-Көл жана Нарын облустары
28-29-мартта түнкүсүн жаан-чачын болбойт, бирок күндүзү көпчүлүк аймактарда жамгыр, тоолорго кар түшөт.
30-мартта күн ачылып, 1-апрелге чейин турат. 2-апрелде күндүз кээ бир райондордо жамгыр жаап, тоолорго кар түшөт.