БИШКЕК, 23-мар. — Sputnik. Борбор калаадагы Москва көчөсү менен Жаш гвардия бульварынын кесилишинде, жолдо жайгашкан канализациялык кудук ылдый түшүп кеткен. Бул тууралуу мэриянын маалымат кызматынан кабарлады.
"Бишкек суу канал" ишканасынын аны калыбына келтирүү үчүн иштеп жаткандыгы айтылды.
"Мындан улам саат 10:00дөн тарта №8 жана №9 каттамдагы троллейбустар токтоду. Андан сырткары №7 (Тунгуч — Эт комбинаты) троллейбустун жүрө турган багыты өзгөрдү", — деп айтылган билдирүүдө.
Мэрия айдоочуларды аталган жерден, Москва көчөсү менен Жаш гвардия бульварынын кесилишинен өтпөй, башка жол менен жүрүп турууну эскертти.
Жаңылыктарды кыска жана ыкчам окугуңуз келсе Telegram-каналыбызга катталыңыз.