БИШКЕК, 21-мар. — Sputnik. Нооруз майрамына карата уюштурулган көк бөрү боюнча республикалык мелдеште "Ынтымак" командасы чемпион болду.
Жогорку лиганын финалында "Ынтымак" жана "Сары-Өзөн" командалары намыс талашып, Таластын "Ынтымагы” 4:1 эсебинде жеңишке жетти.
Биринчи лиганын финалында "Бакубат Талас" 4:1 эсебинде "Ийгилик" командаcын артта калтырып жеңүүчү аталды.
Ал эми 40 жаштан жогорку курактагы көк бөрүчүлөр арасында "Сары-Өзөн Чүй" командасы чемпион болду.
Спорттук мелдеш Чолпон-Ата шаарындагы ат майданда өттү.
Жаңылыктарды кыска жана ыкчам окугуңуз келсе Telegram каналыбызга катталыңыз.