БИШКЕК, 17-мар. — Sputnik. Өлкөнүн тоо этектеринде жана тоолуу райондорунда кар көчкү түшүү коркунучу бар. Жолдор тоңуп, тайгак болот. Бул тууралуу Кыргызгидромет билдирди.
Абанын температурасы Чүй облусунда 0…+5, Талас өрөөнүндө -1…+4, Ош, Жалал-Абад, Баткен, Нарын аймактарында +1…+6, Ысык-Көл чөлкөмүндө + 2…+7 градус болот.
Бишкек жана Ош шаарларында мезгил-мезгили менен жамгыр жаайт. Термометрдин көрсөткүчү борбордо +3…+5 жана Ош калаасында +4…+6 градусту көрсөтөт.