БИШКЕК, 17-мар. — Sputnik. Кыргызгидромет аптанын дем алыш күндөрүнө карата аба ырайынын божомолун айтты.
Апта аягында көпчүлүк аймактарда жаан, тоолуу жерлерге кар жаашы ыктымал. Бишкекте жаан жаайт.
Чүй, Талас облустары
Чүй менен Таласта 19-мартта жаан, тоолуу жерлерге кар түшүүсү ыктымал. 20-мартта күндүз Таласта жаан-чачын күтүлбөйт. Абанын температурасы 3...5 градусту көрсөтөт.
Ош, Жалал-Абад, Баткен облустары
Өлкөнүн түштүгүндө дагы дем алыш жаанчыл болору божомолдонду. 20-мартта Ош, Баткен облустарында күндүз жаан жаабай турганы айтылды. Анткен менен абанын температурасы күндүз 3...8 градус жылуу болот.
Нарын, Ысык-Көл облустары
Нарын менен Ысык-Көлдө апта этегинде кар жаашы ыктымал. Абанын температурасы эки облуста тең күндүз 0...5 градус суук болот. Түнкүсүн абанын температурасы -6 градуска чейин төмөндөшү мүмкүн.