БИШКЕК, 12-мар. — Sputnik. Футбол боюнча улуттук курама команданын (U-18) оюнчусу Аяна Каратаева Тажикстандын тайпасынын дарбазасына эсте каларлык гол киргизди.
Кечээ Душанбе шаарында CAFA U-18 Women"s Championship 2022 эл аралык мелдеши өткөн. Кыргызстандык чабуулчу алыстан туруп күчтүү соккусу менен топту тээп, дарбазага гол киргизе алган.
Оюнду 1:0 упай эсеби менен Кыргызстандын командасы уткан.
CAFA эгидасы алдында өткөн мелдешке Афганистан, Иран, Кыргызстан, Тажикстан, Түркмөнстан жана Өзбекстандын командалары катышты.