БИШКЕК, 12-мар. — Sputnik. Башкы прокуратура "Альфа Телеком" ЖАКнын (MegaCom соода маркасы) мурунку жетекчиси, экс-депутат Акылбек Жамангулов кармалганын кабарлады.
Азырынча иштин чоо-жайы айтыла элек. ЖМКлар анын алдамчылыкка шектелип жатканын жазышууда.
Жамангулов аталган компанияны 2018-жылдан 2021-жылга чейин жетектеп келген. Былтыркы жылдын март айында жумуштан кеткен. Ага чейин Жогорку Кеңештин депутаты болчу.