БИШКЕК, 9-мар. — Sputnik. Жогорку Кеңеш беш министрдин антын кабыл алды.
Мыйзам боюнча жаңы дайындалган министрлер эл өкүлдөрүнүн жана президенттин алдында ант бергенден кийин кызматына толук киришет.
Төмөнкү министрлер ант берди:
Тышкы иштер министри Руслан Казакбаев;
Өзгөчө кырдаалдар министри Бообек Ажикеев;
Транспорт жана коммуникациялар министри Эркинбек Осоев;
Санариптик өнүктүрүү министри Талантбек Иманов;
Билим берүү жана илим министри Алмазбек Бейшеналиев.
Ант берүү аземине президент Садыр Жапаров да катышты. Аягында мамлекет башчы министрлерге кайрылып, эгер калпыстык кетиришсе президентке, парламентке сөз тие турганын эскертти. Ар бир жасаган иши элдин элегинен өтүп, жакшы демилгелери тарыхта жазылып каларын белгиледи.
Андан соң Жапаров өлкөдөгү кырдаал тууралуу кайрылуу жасоого өттү.