БИШКЕК, 6-мар. — Sputnik. Кыргызгидромет агенттиги алдыдагы аптага карата аба ырайынын божомолу боюнча маалымат берди.
Ага ылайык, батыштан соккон шамалдын ылдамдыгы секундасына 4-9 метр, 5-7-мартта кээ бир райондордо 15-20 метрге чейин жетиши күтүлөт.
Чүй облусу
6-11-мартка чейин күндүз кээ бир райондордо жаан, тоо этектеринде жана тоолуу райондордо кар жаашы божомолдонууда. Тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метр, 5-мартта күндүз жана 6-7-мартта кээ бир райондордо 15-20 метрге жетет.
Талас облусу
6-9-март күндөрү күндүз кээ бир райондордо жаан, тоолуу райондордо кар жаашы ыктымал. 10-мартта күндүз жана 11-мартта түнкүсүн жаан-чачын болбойт.
Ош, Жалал-Абад жана Баткен облустары
Чүй облусундай эле өлкөнүн түштүгүндөгү облустарда дагы 6-11-мартка чейин күндүз жаан жаап, тоолуу аймактарга кар түшөрү божомолдонду. 7-мартта Жалал-Абаддын кээ бир райондорунда жаан-чачын катуу жаайт. Тоо этектеринде жана тоолуу райондордо жолдор тайгак болот.
Ысык-Көл облусу
6-7-мартта кээ бир райондордо жаан, кар жаайт. 8-мартта күндүз жана 9-мартта түнкүсүн жаан-чачын күтүлбөйт.
9-10-мартта күндүз көпчүлүк аймактарда кар жаайт. 11-мартта жаан-чачынсыз болот.
Нарын облусу
6-мартта кээ бир райондордо кар жаашы мүмкүн. 7-мартта түнкүсүн кээ бир райондордо, күндүз көпчүлүк аймактарга кар түшөт. 8-11-мартта көпчүлүк аймактарда кар жаашы күтүлөт. Жолдор тайгак болот.