БИШКЕК, 5-мар. — Sputnik. Экономика жана коммерция министрлиги Ат-Башы районуна бажы-логистикалык комплекс курууга инвестор издеп жатканын кабарлады.
Мекеме бардык кызыкдар тараптарды "Бажы-логистикалык комплексин каржылоо, долбоорлоо, куруу жана эксплуатациялоо" мамлекеттик-жеке өнөктөштүк долбоору боюнча сынакка катышууга чакырууда.
Сынактын эрежелери менен МЖӨ борборунун (www.ppp.gov.kg) жана министрликтин (www.mineconom.gov.kg) расмий веб-сайттарында жарыяланган "Квалификацияларды берүү өтүнүчүнөн" таанышууга болот.
Квалификациялык тандоого өтүнмөлөр 16-апрелде саат 16:00гө чейин кабыл алынат.