БИШКЕК, 1-мар. — Sputnik. Россиянын Украинага жасаган атайын операциясы тууралуу ири көлөмдөгү жалган маалыматтарды жаратуунун артында НАТО турат. Бул тууралуу РФ Тышкы иштер министрлигинин расмий өкүлү Мария Захарова билдиргенин РИА Новости жазды.
РФ Тышкы иштер министрлигинин расмий өкүлү Мария Захарова
© Фото / пресс-служба МИД РФ
/ "Фейктердин топтошкон агымы. Азыр ошонун баары биздин маалыматтык мейкиндикке кирип жатат. Мунун артында атайын кызматтар турат, жөн эле бир ойлоп табылган нерсе эмес. Бул биргелешкен каршылык, алар Брюсселден башкарылып жатканы талашсыз. Буга НАТОнун инфраструктурасы тартылган", — деди Захарова.
Ал арада Мамлекеттик думанын Коопсуздук боюнча комитетинин төрагасы Василий Пискарев РФ Куралдуу күчтөрүнүн аракеттери тууралуу фейк маалымат жайылткандарды кылмыш жоопкерчилигине тартуу боюнча мыйзам долбоору иштелип чыкканын билдирди. Аны бардык макулдашуулардан кийин депутаттардын кароосуна киргизет.
Документте мындай кылмыштар үчүн 15 жылга чейин эркинен ажыратуу каралган.