Белгилей кетсек, Түндүк — Түштүк (Балыкчы — Казарман — Жалал-Абад) альтернативалуу унаа жолунун 332 жана 338-чакырымдарында кар көчкү түшүп, Казарманды карай кеткен жолду тазалап жаткан төрт адамды техникасы менен көчкү басып калган. Алардын бирөө кыргыз жараны, үчөө кытай жараны экени айтылган. Анын ичинен кыргыз жараны менен бир кытай жаранынын сөөгү табылды.
Өзгөчө кырдаалдар министринин орун басары Эдилбек Кулматовдун айтымында, аталган жерге 1,5 миллион куб кар көчкү түшкөн. Анын бийиктиги 10 метрден 60 метрге чейин жетет. Көчкү алдында калгандарды издөө ишине ӨКМдин 73 куткаруучусу, Кытайдын China Road компаниясынын атайын жети техникасы, УКМКнын Чек ара кызматынын төрт кызматкери тартылган. Издөө иштери уланууда.
Видеодон куткаруучулардын, техникалардын тынымсыз иштеп, ӨКМ кызматкерлеринин карды кол менен казып жатканын көрүүгө болот.