БИШКЕК, 17-фев. — Sputnik. Россиялык фигурист Камила Валиева муз үстүндө жалгыз бийлөөдө төртүнчү орунду алды. Бул тууралуу Р-Спорт кабарлады.
Биринчи орунду дагы бир россиялык спортчу Анна Щербакова алды. Ал жалпысынан 255,95 упай топтогон. Экинчи орунду дагы россиялык Александра Трусова (251,73), үчүнчүнү япониялык Каори Сакамото (233,13) алган. Төртүнчү орун буюрган Камила Валиева 224,09 упай топтогон.
Щербакова 17 жашта, ал учурда дүйнөнүн чемпиону. Анын жашташы Трусова дүйнө чемпионатынын жана Европа чемпионатынын коло медаль ээси. Валиева 15 жашта, ал Россиянын жана Европанын чемпиону. Спортчу буга чейин Россиянын курама командасына кирип, ийгилик жаратып Олимпиада чемпиону болгон, бирок сыйлоо аземи али күнчө өтө элек.
Анткени өткөн аптада допинг-тест алып текшерген эл аралык агенттик Валиевадан 25-декабрда кызытма боюнча алынган тесттен триметазидин заты чыккандыгын билдирген. Тесттин жыйынтыгын Стокгольмдогу антидопинг лабораториясы 8-февралда берген. Ага карабай Спорттук арбитраж соту (СAS) мындан ары Олимпиада-2022 оюндарына катыштыра берүү чечимин кабыл алган. CAS берген релизде Валиеваны Олимпиада-2022нин жеке турнирине чейин катыштыруу чечими "корголгон персона" (спортчу 16 жашка чыга элек) макамы башкача мамиле жасоону эске алуу менен кабыл алынганы айтылат.