БИШКЕК, 12-фев. — Sputnik. Кыргызстандын аймагында очогунда күчү 3,5 баллга жеткен жер титирөө катталды. Бул тууралуу ӨКМ Сейсмология институтунун маалыматына таянып кабарлады.
Жер саат 08:05те силкинген. Ал Ош облусунун Чоң-Алай районунун Кулчу, Жар-Башы, Чак, Жар-Тилек айылдарында 3 баллга, Шибээ айылында 2,5 баллга чейин сезилген.
Жер титирөөдөн жабыркагандар жана кыйроолор жок.
10-февраль күнү дагы Оштун бир катар райондорунда 4 баллга чейин жеткен жер титирөө катталган.