БИШКЕК, 6-фев. — Sputnik. Кытай Кыргызстандын коопсуздук тармагына ири суммада каражат берет. Бул туурасында Пекин шаарында президент Садыр Жапаров менен Кытайдын төрагасы Си Цзиньпиндин жолугушуусу учурунда айтылды.
"Си Цзиньпин кытай тарап Кыргызстанга коронавируска каршы кошумча 5 миллион доза вакцина жана коопсуздук тармагына 50 миллион юань өлчөмүндө кайтарымсыз жардам берүү чечимин кабыл алганын, түрдүү тармактарда кызматташууну кеңейтүүгө даяр экенин билдирди", — деп кабарлады мамлекет башчынын маалымат кызматы.
Ал эми Жапаров экономиканын тиешелүү тармактарында жаңы долбоорлорду стимулдаштыруу максатында жалпы капиталы 1 миллард долларды түзгөн Кыргыз-Кытай инвестициялык фондун түзүүнү сунуштаган. Ал чакан жана орто бизнес тармагындагы эки тараптуу долбоорлорду каржылоо багытында иштемекчи.