БИШКЕК, 2-фев. — Sputnik. 2022-жылы ЕАЭБ аймагына үчүнчү өлкөлөрдөн бодо малдын этин ташып келүүгө бажы пошлинасы алынбайт. Бул тууралуу Айыл чарба министрлигинен билдирди.
"ЕЭК кеңешинин чечимине ылайык, быйылкы жылдын ичинде Евразия экономикалык биримдигинин аймагына үчүнчү өлкөлөрдөн бодо малдын этин ташып келүүгө бажы алымынын ставкасы нөл пайызга түшүрүлдү", — деп айтылат билдирүүдө.
Бул чара тамак-аш өндүрүү үчүн алып келинген этке колдонулат. Ошондой эле мындай жеңилдик тарифтик квота боюнча 0201 10 000 1, 0201 20 200 1, 0201 20 300 1, 0201 20 500 1, 0201 20 900 1, 0201 30 000 4, 0202 10 000 1, 0202 20 100 1, 0202 20 300 1, 0202 20 500 1, 0202 20 900 1, 0202 30 100 4, 0202 30 500 4 жана 0202 30 900 коддорун колдонгон ишкерлерге берилет.
Былтыр кумшекер, май жана мал ташыгандардан кошумча нарк салыгы алынбай турганы белгилүү болгон. Мындай чечим азык-түлүккө болгон рыноктук бааны турукташтыруу жана чарбалык субъектилерге колдоо көрсөтүү максатында кабыл алынды.