БИШКЕК, 28-янв. — Sputnik. Ишемби күнү күндүз өлкөнүн көпчүлүк аймактарында мезгил-мезгили менен жамгыр, кар, тоо этектеринде жана тоолуу райондордо кар жаайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүй менен Ысык-Көлдө +1...+6, Таласта 0...+5, Ош, Жалал-Абад, Баткен облустарында +2...+7, Нарын аймагында -4...-6 градус болот.
Бишкек жана Ошто мезгил-мезгили менен жамгыр, кар жаайт. Термометрдин көрсөткүчү борбор калаада +4... +6, Ошто +5...+7 градус болору болжолдонду.